donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Kalim Akhtar
 
Share to Aalmi Urdu Ghar
* آپ سے دل لگاکے دیکھ لیا *
غزل
 
آپ سے دل لگاکے دیکھ لیا
عمر بھر رو کے، گا کے دیکھ لیا
ہم نے دیکھے ہیں حوصلے دل کے
آپ کو آزما کے دیکھ لیا
کون بیٹھے ہے اس غریب کے پاس
دل کی چادر بچھا کے دیکھ لیا
ذوق فکر و نظر، سخن کا خیال
سب ہوا میں اڑا کے دیکھ لیا
تیرے جیسا ہے کون آنکھوں میں 
آئنہ دل بنا کے دیکھ لیا
اے کلی، زخمِ گل پہ مت روئیو
یاں تبسم لٹا کے دیکھ لیا
کون رنگین ہے، نظر کہ شراب؟
ہاتھ میں جام اٹھا کے دیکھ لیا
*******

 

 
Comments


Login

You are Visitor Number : 373