* سوال یہ نہیں قاتل کے ہات میں کیا ہے *
سوال یہ نہیں قاتل کے ہات میں کیا ہے
سوال یہ ہے کہ منصف کی ذات میں کیا ہے
۔۔۔۔۔۔
سوال یہ نہیں سقراط مر گیا کیسے
سوال یہ ہے کہ آبِ حیات میں کیا ہے
۔۔۔۔۔۔۔۔
سوال یہ نہیں تاریکیاں کہاں تک ہیں
سوال یہ ہے کہ تلخی کی رات میں کیا ہے
۔۔۔۔۔۔۔۔
سوال یہ نہیں غیروں نے زخم کیسے دیے
سوال یہ ہے کہ اپنوں کی بات میں کیا ہے
۔۔۔۔۔۔۔۔۔
سوال یہ نہیں بخشے گئے ہیں کیوں ساحل
سوال یہ ہے کہ ایسی نجات میں کیا ہے
۔۔۔۔۔۔۔۔۔
خالد ملک ساحل
|