|
* Chahat ka ek khawab adhura rahne do *
Chahat ka ek khawab adhura rahne do
Tanha hoo'n mia'n mujh ko tanha rahne do
Aawazo'n ki mafil ke ik kone me'n
Khamoshi ka deep bhi jalta rahne do
Toot ke tujh ko chahiye ki us koshish me'n
Bikhra hoo'n gar, mujh ko bikhra rahne do
Hijrat ki mandi ka sauda , mat pooch
Keya khoya aur keya hai paya , rahne do
Daanaaii ka langar hai yeh , mat chherho
Darvisho'n ka shahar me'n dera rahne do
Taabeero'n ke des me'n shayad jaa pahchoo'n
Nind me'n "Khalid" mujh ko chalta rahne do
Pent House No. 6, 100-White Oaks Crt.,
Whitby, ONT (Canada)
|
|