میرے رفیق! نگار سحر پہ کیا گزری
ہم ایسے تیرہ نصیبوں کے سرپہ کیا گزری
حریرِ شب پہ تبسم ہے یہ ستاروں کا 
میرے یقیں، تیرے حسنِ نظر پہ کیا گزری
وہ رَہ گزر جو سر کہکشاں سے ملتی تھی
بتا بتا کہ اُسی رہ گزر پہ کیا گزری
چمن سے پھر کوئی طوفان رنگ و بو نہ تھا
خبر نہیں کہ نسیمِ سحر پہ کیا گزری
کسے بتائیں کہ دیر و حرم کی راہوں میں
تمہاری زلف پہ اور اپنے سر پہ کیا گزری
جو ارض پاک میں گزری ہمیں وہ سب معلوم!
رشی کے دیس میں لیکن بشر پہ کیا گزری
********************