مظہر امام

نام: مظہر امام، ولدیت: سید امیر علی: تاریخ پیدائش۔5 مارچ۔ 1930 ء تعلیم: ایم اے، وطن۔ دربھنگہ۔پتہ: ۱۷۶۔ بی ، پاکٹ ۔۱، میور وہار فیز۔1 ، دہلی۔110091 ۔پیشہ۔ ڈائریکٹر کشمیر دور درشن (سبکدوش)۔تصانیف:1 ۔تصانیف۔شعر۔ ۱۔ زخم تمنا(نظمیں، غزلیں۶۲ء )۲۔ رشتہ گونگے سفر کا(نظمیں ، غزلیں۔۱۹۷۴ئ) ۳۔ پچھلے موسم کا پھول(غزلیں۔۸۸ئ) ۴۔ بند ہوتا ہوا بازار(نظمیں۔ غزلیں۔۹۲ئ) نثر:۔ ۵۔ آتی جاتی لہریں( تنقیدی مضامین۸۱ئ)۶۔آزاد غزل کا منظر نامہ( تحقیقی الشاریہ)۸۸ئ) جمیل مظہر ی (مونو گراف۹۲ئ)۸۔ اکثر یاد آتے ہیں (یاد داشتیں ۔۹۳ئ)۹۔ ایک لہر آتی ہوئی ۔(تنقیدی مضامین۔۱۹۹۷ء )

ہمیں ہیں وہ کہ جنہیں بام و در سے رغبت تھی
کہ در بدر بھی اگر تھے تو گھر سے رغبت تھی
ہم اپنے حالِ دگرگوں کی اب خبر کیا دیں
خبر یہی ہے کہ اک بے خبر سے رغبت تھی
جبیں پہ خاکِ ندامت سجائے پھرتے ہیں
کہ رقصِ شعلہ سرود شرر سے رغبت تھی
شکستہ پا ہی نہیں ہم شکستہ خواب بھی ہیں
کہ قافلے سے فضائے سفرسے رغبت تھی
دُھلی دھلائی ہوئی زندگی کو کیا معلوم 
کہ اک چکور کو داغِ قمر سے رغبت تھی
٭٭٭٭