|
* Inkar mai'n iqrar ki baat aa hi gai hai, *
Inkar mai'n iqrar ki baat aa hi gai hai,
batoo'n mai'n Gham-e-yar ki baat aa hi gai hai,
aaya hai kabhi zikr agar dar-o-rasa'n ka,
gesoo-wa-qad-e-yar ki bat aa hi gai hai,
jab surKhiI-e-gulshan ka kabhi zikr hua hai,
tere lab-o-ruKhsar ki baat aa hi gai hai,
DhoonDa hai agar zaKhm-e-tamana ne mudawa
ik nargis-e-bimar ki baat aa hi gai hai,
mil baiThe hai'n zinda mai'n agar sham ko ahbaab ,
tere dar-o-diwar ki baat aa hi gai hai,
chra hai koi talKh fasana jo kisi ne,
shirini-e-guftar ki baat aa hi gai hai. |
|