Dil akela hai bahut lala-e-sahra ki tarah 
tum ne bhi chor diya hai mujhe dunya ki tarah 
chor ke jao na yun ahad-e-guzishta ki tarah 
ban ke umeed raho wada-e-farda ki tarah 
tum hawa ho bikhero mujhe sahil sahil 
mauj-e-mai ho to baha do mujhe dariya ki tarah 
pas rahte ho to ata hai judai ka Khayal 
tum mere dil main ho andesha-e-farda ki tarah 
bich main kuch to rah-o-rasm-e-taalluq rakho 
ajnabi yun nahi milte hain shanasa ki tarah