* پیار ہر اک سے جتایا کیجئے *
غزل
پیار ہر اک سے جتایا کیجئے
دل کسی کا مت دکھایا کیجئے
مت کسی سے کہئے اپنا حال دل
غم بھی ہو تو مسکرایا کیجئے
بن سنور کر حسن کے بازار میں
ناز نخرے مت دکھایا کیجئے
دشمنوں سے دور تو رہئے مگر
دوست کو بھی آزمایا کیجئے
جب گزرئیے میرے گھر کے پاس سے
دھیرے دھیرے آیا جایا کیجئے
ریشمی آنچل کو جاکے بام پر
آپ نہ ہر دم اڑایا کیجئے
توڑ کر کے آپ دل معینؔ کا
غیر سے نہ دل لگایا کیجئے
معین گریڈیہوی
Mob: 9708111470, 9135400171
E-mail:- moingqtd@gmail.com
Website: www.moingridih.blogspot.com
٭٭٭٭٭
|