|
* مدینہ جائیں گے *
مدینہ جائیں گے
چھوڑ کے اب گھربار مدینہ جائیں گے
سوچا ہے اس بار مدینہ جائیں گے
نور خدا کے نورانی اس روضے کا
کرنے کو دیدار مدینہ جائیں گے
انشاء اللہ حج کا مہینہ آتے ہی
ہوکے ہم تیار مدینہ جائیں گے
در پہ یقین ہے سرکار دوعالم کے
ہوگا بیڑا پار مدینہ جائیں گے
سننے والا کوئی نہیں ہے دکھ میرا
سن لیں گے سرکار مدینہ جائیں گے
ہند نگر میں اب تو مرا اے لوگو
جینا ہے دشوار مدینہ جائیں گے
مجھ کو معینؔ اب جانے دو تم مت روکو
آقا کے دربار مدینہ جائیں گے
معین گریڈیہوی
Mob: 9708111470, 9135400171
E-mail:- moingqtd@gmail.com
Website: www.moingridih.blogspot.com
*****
|
|