اردو زباں ہماری

نازو اداکی پالی ہر شخص کی دلاری
ہر اک زباں سے پیاری اردو زباں ہماری

اقبالؔ میرؔ غالبؔ جان جگرؔ ہے اردو
دنیا کی کل زباں میں تو معتبر ہے اردو
سوداؔ و داغؔ نے بھی کی اس کی پاسداری
ہر اک زباں سے پیاری اردو زباں ہماری

رتبہ ہے اس کا اعلیٰ اس کی ہے شان عالی
بستی ہے سب کے دل میں ایسی ہے بھولی بھالی
ہر لفظ میں ہے اِس کے ملت وخاکساری
ہر اک زباں سے پیاری اردو زباں ہماری

اردو ہے جان خسروؔ جان انیسؔ اردو
تو صیف کیا کروں میں خود ہے نفیس اردو
علماء و شعرا ادباء ہیں سب ہی اِس پہ واری
ہر اک زباں سے پیاری اردو زباں ہماری

ملت وفا کی خوشبو پھیلاتی ہے یہ ہرسو
راہ ادب ہر اک کو دکھلاتی ہے یہ اردو
بھائے معینؔ سب کو اس کی وفاشعاری
ہر اک زباں سے پیاری اردو زباں ہماری؎

معین گریڈیہوی

Mob: 9708111470, 9135400171
E-mail:- moingqtd@gmail.com
Website: www.moingridih.blogspot.com
****