|
* ماہ رمضان آگیا *
ماہ رمضان آگیا
رحمتیں رب کی لٹانے ‘ ماہ رمضاں آگیا
صائموں کا غم مٹانے ‘ ماہ رمضاں آگیا
دور تاریکی ہوئی چھائی انوکھی روشنی
گھر ہمارا جگمگانے ‘ ماہ رمضاں آگیا
لے کے روزے کا حسیں تحفہ سنو اے مومنو
آج تم کو آزمانے ‘ ماہ رمضاں آگیا
اس طرح نہ خواب غفلت میں رہو کھوئے ہوئے
وقت سحری ہے جگانے ‘ ماہ رمضاں آگیا
ہے منور ذرہ ذرہ دیکھ لو اے مومنو
رحمتوں سے گھر ہمارا ‘ ماہ رمضاں آگیا
آمد ماہ مبیں کی کیا فضیلت ہو بیاں
مرحبا‘ غم سے چھڑانے ‘ ماہ رمضاں آگیا
قید شیطاں ہو گئے اور صائموں کو اے معین
راہ جنت کی دکھانے ‘ ماہ رمضاں آگیا
معین گریڈیہوی
Mob: 9708111470, 9135400171
E-mail:- moingqtd@gmail.com
Website: www.moingridih.blogspot.com
*****
|
|