ماہ رمضان آگیا
معین گریڈیہوی
رحمتیں رب کی لٹانے ‘ ماہ رمضاں آگیا
صائموں کا غم مٹانے ‘ ماہ رمضاں آگیا
دور تاریکی ہوئی چھائی انوکھی روشنی
گھر ہمارا جگمگانے ‘ ماہ رمضاں آگیا
لے کے روزے کا حسیں تحفہ سنو اے مومنو
آج تم کو آزمانے ‘ ماہ رمضاں آگیا
اس طرح نہ خواب غفلت میں رہو کھوئے ہوئے
وقت سحری ہے جگانے ‘ ماہ رمضاں آگیا
ہے منور ذرہ ذرہ دیکھ لو اے مومنو
رحمتوں سے گھر ہمارا ‘ ماہ رمضاں آگیا
آمد ماہ مبیں کی کیا فضیلت ہو بیاں
مرحبا‘ غم سے چھڑانے ‘ ماہ رمضاں آگیا
قید شیطاں ہو گئے اور صائموں کو اے معین
راہ جنت کی دکھانے ‘ ماہ رمضاں آگیا
رابطہ: 9708111470
___________
