phir mile hum un se phir yari baDhi
aur uljha dil giraftari baDhi
mehrbani chaarasazo.n ki baDhi
jab baDha darman to bimari baDhi
hijr ki ghaDiyan kaThi.n hoti gai.n
din ke nale raat ki zari baDhi
phir tasawwur mei.n kisi ke nind uDi
phir wahi raato.n ki bedari baDhi
sakhtiya.n rah-e-mohabbat ki na puchh
har qadam ek taza dushwari baDhi
khair saqi ki salamat mai-kada
jis qadar pi utni hoshiyar baDhi
daur-daure hai.n 'mubarak' jam ke
intiha ki apni mai-khwari baDhi
۸۸۸۸۸۸۸۸۸۸۸۸۸۸۸