kahte hai.n ki de meri bala daad kisi ki
kaano.n ko maza deti hai fariyad kisi ki
rona hai tira kaam magar dida-e-tar dekh
tasveer-e-khyali na ho barbaad kisi ki
karta huu.n gila un se jo varani-e-dil ka
kahte hai.n ye basti nahi.n aabaad kisi ki
aabaad khuda rakkhe tujhe ku-e-mohabbat
miTTi nahi.n hoti yaha.n barbaad kisi ki
kuchh aur to ham paas 'mubarak' nahi.n rakhte
rakhta hai tamanna dil-e-nashaad kisi ki
۸۸۸۸۸۸۸۸۸۸۸۸۸۸