mere sar se kya gharaz sarkar ko
dekhiye apne dar-o-diwaar ko
ye ghata aisa ghata itni ghata
mai halaal aise me.n hai mai-khwar ko
dhamkiya.n dete ho kya talvaar ki
ham lagate hai.n gale talvaar ko
apni apni sab dikhate hai.n bahaar
gul bhi gulshan se chale baazaar ko
taaq se miina utaar aayi bahaar
taaq par rakh shaikh istiġhfar ko
Dhoondhta phirta hai ka-e-ghair me.n
dil 'mubarak' ko 'mubarak' yaar ko
۸۸۸۸۸۸۸۸۸۸۸۸۸