غزل

دنیا کے سامنے بھی ہم اپنا کہیں جسے
اک ایسا دوست ہو کہ سداما کہیں جسے
دنیا اٹھانے آئے مگر ہم نہیں اٹھیں
سجدہ بھی ہو تو ایسا کہ سجدہ کہیں جسے
تقریر ایسی ہو کہ مخالف بھی داد دے
تحریر ایسی ہو کہ اضافہ کہیں جسے
وہ پھول چاہئے کہ مہک اُس میں ہو تری
وہ چاند چاہئے ترا چہرہ کہیں جسے
چھپّن برس سے ڈھونڈ رہا ہوں نہیں ملی
ایسی کوئی بھی چھائوں کہ ممتا کہیں جسے
پھر کربلا کے بعد دکھائی نہیں دیا
ایسا کوئی بھی شخص کہ پیاسا کہیں جسے
لے کر چراغ ڈھونڈتے رہئے تمام عمر
ایسا کہاں ہے دوسرا رانا کہیں جسے

منور رانا

Ghazal Transport, 20-C, Bolaidat Street
Kolkata-700073
Mob: 9415020167
بشکریہ ’’میر بھی ہم بھی‘‘	مرتب: مشتاق دربھنگوی
………………………