MUSLIM SALEEM
GHAZAL
RAAKH JAZBON KI KHALAON MEIN BIKHAR JAYE TO
DIL PAY JO UTRA THAA WO DIL SAY UTAR JAYE TO
DOOR TAK APNAY TA’ALLUQ KI KHABAR JAYE TO
IN NAWISHTON PAY ZAMAANE KI NAZAR JAYE TO
LAZZAT-E-DEED SAY TAQDEER SANWAR JAYE TO
GARDISH-E-WAQT ZARAA DER THHAHAR JAYE TO
MERI MAANIND HI WO LUTF-E-SAFAR PAYEGA
KOI US DASHT MAIN BAY KHAUF-O-KHATAR JAYE TO
TERAA MUSLIM BADI UMMEED LIYE AAYA HAI
AUR AGAR BAZM SAY BAA DEEDA-E-TAR JAYE TO
۸۸۸۸۸۸۸۸۸۸۸۸۸۸۸۸