* کن کہا اور نقشہ کون ومکاں بنتا گیا *
غزل
کن کہا اور نقشہ کون ومکاں بنتا گیا
یہ زمیں بنتی گئی یہ آسماں بنتا گیا
میں نے اس انداز سے چھیڑا بیان حالِ دل
ایک اک حرف تمنا داستاں بنتا گیا
مرحبا تیرِ نگاہ ناز کی کلکار پاں
میرا ہر زخم جگر جنتِ نشاں بنتا گیا
بحرِ غم میں یاد جاناں کے تصدق ہر نفس
ناخدائے کشتی عمر رواں بنتا گیا
فضل حق سے موجبِ تعمیر تھی تخریب بھی
بجلیوں کی روشنی میں آشیاں بنتا گیا
حمد حق کا شوق جب فصلِ بہاراں میں بڑھا
پتہ پتہ باغ عالم کا زباں بنتا گیا
برقؔ راہ عشق میں کوئی نہ تھا جب ہمسفر
شوقؔ منزل اپنا میرِ کارواں بنتا گیا
+++
|