|
* دل ہے وہ دل کہ جس میں جلواہے مصطفےٰ &# *
نعت
دل ہے وہ دل کہ جس میں جلواہے مصطفےٰ ؐ کا
سر ہے وہ سر کہ جس میں سودا ہے مصطفےٰ ؐ کا
کیا اس سے بڑھ کے ہوگا محبوبیت کا درجہ
خلاقِ دو جہاں خود شیدا ہے مصطفےٰ ؐ کا
سارے جہاں کا قبلہ بیت الحرم ہے لیکن
بیت الحرم کا قبلہ روضا ہے مصطفےٰ ؐ کا
حق نے انہیں بنایا دونوں جہاں کا آقا
پس ہر خدا کا بندہ بندا ہے مصطفےٰ ؐ کا
جنت کے سب فرشتے کرتے ہیں فخر اس پر
خلد بریں سے افضل کو چاہے مصطفےٰؐ کا
گرمصطفےٰؐ نہ ہوتے پیداہی کچھ نہ ہوتا
وجہہ وجود عالم ہونا ہے مصطفےٰ ؐ کا
اے برقؔ سچ تو یہ ہے سارے جہان والے
جو کچھ ہیں کھاتے پیتے صدقا ہے مصطفےٰ ؐ کا
+++
|
