غزل

کوئی بڑھکے جذب دامن نہ کرے اسے خدارا
ہے سرِ مثرہ جو آنسو مری آنکھو کا ہے تارا
جہاں عشق کے جنوں نے دیا عقل کو سہارا
وہیں چرخ منزلت کا ہوا آدمی ستارا
کبھی مڑکے بھی نہ دیکھا سوئے جام اس نے ساقی
تری چشم نازنیں کا جو سمجھ گیا اشارا
رہے تابہ دورِ آخریہ خدا کرے سلامت
تراذوق جستجو ہے مری زیست کا سہارا
غم عاشقی کا دریا تو وہ بحر بیکراں ہے
نہ کہیں پہ جس کی حد ہے نہ کہیں پہ ہے کنارا
نہ خفا ہو میرے پیارے نہ کروں گا میں شکایت
ہے اسی میں خوش اگر تو ُمجھے ہر الم گوارا
مریں فکرِ عیش میں وہ نہیں روشناس غم جو
انہیں خواہش خوشی کیا تراغم ہے جن کو پیارا
کسی رنج وغم کا مطلق نہ رہا خیال باقی
دم بیکسی لیا جب تری یاد کا سہارا
ہے عجیب کشمکش میں مری جان برقؔ اب تو
نہ ہے طاقتِ جدائی نہ ہے طاقتِ نظارا
+++