Jahan Par Dar Banana Ho Wahan Deewaar Kartay Hain 
Hum Ehlay Dil Mohabbat Ko Bohat Dushwar Kartay Hain 

Tumhain Ab Kia Batain Us Pari Ka Lams Kaisa Tha 
Humaray Hont Jaltay Hain Agar Izhaar Kartay Hain 

Musalsal Khamshi Yohn Bhi Tu Hum Ko Mar Dalay Gi 
Tu Phir Ab Khof Kaisa Hay Chalo Inkar Kartay Hain 

wo acha daur tha mehnat sy apna pait bhartay thay 
bus ab to saans laynay k liay bay gaar kartay hain 

Hum Aisay Lashkari Is Jang Main Hathiar Kion Dalain 
K Aisa Kaam Tu Apnay Sipah Salar Kartay Hain
******