roothnay aur manaanay main guzar jaati hy 
yeh rafaqat to fasaanay main guzar jaati hy 

baat karnay ki tamanna main yahan aatay hain 
zindagi baat bananay main guzar jaati hy 

kuch to kut_ti hy koi naam raqam kartay huay 
aur kuch us ko mitaanay main guzar jaati hy 

jis taraf koi bicharrta hay yehi umr e taveel 
us taraf laut k jaanay main guzar jaati hy 

din main palkon pay kaai khaab sajaatay hain hum 
raat tabeer bananay main guzar jaati hy 

zindagi bus wohi sa_at to hua karti hay 
woh jo kuch pyaas bujhanay main guzar jaati hy 

saans laynay ko zaroori hy naya chehra bhi 
warna yeh umr puranay main guzar jaati hy 

ab kabhi ho bhi agar us sy mulaqat razi 
apnay ashkon ko chupaanay main guzar jaati hy 

razi ud din razi