* Gham mujhe hasarat mujhe vahashat mujhe saudaa mujhe *
Gham mujhe hasarat mujhe vahashat mujhe saudaa mujhe
ek dil deke Khudaa ne de diyaa kyaa kyaa mujhe
hai husuul-e-aarazuu kaa raaz tark-e-aarazuu
main ne duniyaaa chhod dii to mil gaii duniyaa mujhe
kah ke soyaa huun ye apane iztaraab-e-shauq se
jab vo aayen qabr par fauran jagaa denaa mujhe
subah tak kyaa kyaa terii ummiid ne taane diye
aa gayaa thaa shaam-e-Gham ek niind kaa jhonkaa mujhe
ye namaaz-e-ishq hai kaisaa adab kisakaa adab
apane paay-e-namaaz par karane do sajdaa mujhe
dekhate hii dekhate duniyaa se main uth jaauungaa
dekhatii kii dekhatii rah kjaayegii duniyaa mujhe
|