chanchalahaT me.n too mamola hai

jhiljhilahaT me.n dar amola hai

dekh tujh mukh kuu.n yuu.n chhupe yusuf

juu.n kabutar kue.n me.n kola hai

sair karta huu.n baiTh kar us biich

dil hamara urhan-khatola hai

sarv sii.n qad hai yaar ka mauzu.n

mai.n ne mizaan lii.n ke tola hai

sard-mehri sii.n be-vafa ka haal

hai khunuk is qadar ki ola hai

jaan kar ke ajaan hota hai

tum na jaano ki jaan bhola hai

ham suu.n sab mil kaho mubarakbad

ki Tuk ik hans ke aa ke bola hai

'abroo' haae kyuu.n gale na laga

mere dil mei.n yahii malola hai

۸۸۸۸۸۸۸۸۸۸۸۸۸۸۸