garche is buniyād-e-hastī ke anāsir chaar haiñ 
lekin apne niist ho jaane meñ sab nā-chār haiñ 
dostī aur dushmanī hai in butāñ kī ek sī 
chaar din haiñ mehrbāñ to chaar din bezār haiñ 
jī koī mansūr ke juuñ jaan karte haiñ fidā 
ve sipāhī āshiqoñ kī fauj ke sardār haiñ 
ye jo sajtī hai kaTārī-dār mashrū kī izaar 
mārne ke vaqt āshiq ke nañgī tarvār haiñ 
dostī aur pyaar kī bātoñ pe ḳhūbāñ kī na bhuul 
shoḳh hote haiñ nipaT ayyār kis ke yaar haiñ 
jo nasha jvānī kā utregā to khīñcheñge ḳhumār 
ab to ḳhūbāñ sab sharāb-e-husn ke sarshār haiñ 
kis tarah chashmoñ setī jaarī na ho dariyā-e-ḳhūñ 
thal na pairā 'ābrū' ham vaar aur ve paar haiñ 

88888888888