aaj yaro.n ko mubarak ho ki subah eid hai

raag hai mai hai chaman hai dilruba hai diid hai

dil divana ho gaya hai dekh ye subah-e-bahar

rasmasa phulo.n basa aaya ankho.n mei.n niind hai

sher ashiq aaj ke din kyuu.n raqiba.n pe na ho.n

yaar paaya hai baghal mei.n khana-e-khurshid hai

gham ke pichho raast kahte hain ki shadi hove hai

hazrat-e-ramza.n ga.e tashrif le ab iid hai

eid ke din rovata hai hijr sii.n ramzaan ke

be-nasib us shaikh ki dekho ajab fahmid hai

silk us ki nazm ka kyun kar na hove qeemti

'abroo' ka sher jo dekha so marvarid hai

۸۸۸۸۸۸۸۸۸