is zulf-e-jāñ-guzā kuuñ sanam kī balā kaho
af.ī kaho siyāh kaho azhdahā kaho
qātil-nigah kuuñ pūchhte kyā ho ki kyā kaho
ḳhanjar kaho kaTār kaho nīmchā kaho
Tuk vāste ḳhudā ke mirā ijz jā kaho
bekas kaho ġharīb kaho ḳhāk-e-pā kaho
āshiq kā dard-e-hāl chhupānā nahīñ durust
parghaT kaho pukār kaho barmalā kaho
us teġh-zan niiñ dil kuuñ diyā hai mire ḳhitāb
bismil kaho shahīd kaho jāñ-fidā kaho
shāh-e-najaf ke naam kuuñ luuñ 'ābrū' siiñ siikh
haadī kaho imaam kaho rahnumā kaho
8888888888