aaya hai sub.h niind suun uth rasmasa hua

jaama gale mei,n raat ke phoolo.n basa hua

kam mat gino ye bakht-siyaho.n ka rang-e-zard

sona vahi jo hove kasauti kasa hua

andaz siin ziyada nipat naaz khush nahi.n

jo khaal had se ziyada badha so masa hua

qamat ka sab jagat munin baala hua hai naam

qad is qadar buland tumhara rasa hua

zahid ke qadd-e-kham kuu.n musavvir ne jab likha

tab click haath biich jo tha so asa hua

dil yuu.n Dare hai zulf ka maara vo phoo.nk sii.n

rassa siin azhdahe ka Dare juu.n Dasa hua

ai 'abroo' aval se.n samajh pech ishq ka

phir zulf sii.n nikal na sake dil pha.nsa hua

۸۸۸۸۸۸۸۸۸۸۸۸۸