magar tum siiñ huā hai āshnā dil 
ki ham siiñ ho gayā hai bevafā dil 
chaman meñ os ke qatroñ kī mānind 
paḌe haiñ tujh galī meñ jā-ba-jā dil 
jo ġham guzrā hai mujh par āshiqī meñ 
so maiñ hī jāntā huuñ yā mirā dil 
hamārā bhī kahātā thā kabhī ye 
sajan tum jaan lo ye hai mirā dil 
kaho ab kyā karūñ daanā ki jab yuuñ 
birah ke bhaaḌ meñ jā kar paḌā dil 
kahāñ ḳhātir meñ laave 'ābrū' kuuñ 
huā us mīrzā kā āshnā dil

8888888888