aur vaa.iz ke saath mil le shaikh

khol aapas ke biich kille shaikh

tiir sa qad kaman kar apna

khiinch faqo.n ke biich chille shaikh

chhod tasbiih hazaar dano.n ki

haath me.n apne ek dil le shaikh

bhu.nk mat ghair par na kar hamla

mard hai nafas par to pil le shaikh

khal-e-khuba.n sii.n tujh kuu.n kya nisbat

bas hairi bakre ke tujh ko tille shaikh

us se sangiin-dila.n ka shauq na kar

mat tu siine pe apne sil le shaikh

chhod de zohd-e-khushk ye pyala

khush ho kar 'abroo' se mil le shaikh

۸۸۸۸۸۸۸۸۸۸۸۸۸۸