ye sabza aur ye āb-e-ravāñ aur abr ye gahrā 
divāna nahiñ ki ab ghar meñ rahūñ maiñ chhoḌ kar sahrā 
añdherī raat meñ majnūñ ko jañgal biich kyā Dar hai 
papīhā ko kalā kyuuñ mil ke de haiñ har ghaḌī pahrā 
gayā thā raat jhaḌ badlī meñ zālim kis taraf kuuñ tū 
taḌap siiñ dil mirā bijlī kī juuñ ab lag nahīñ Thahrā 
vo kākul is tarah ke haiñ balā kaale ki jo dekhe 
to mar jā naag us kā aab ho jā ḳhauf siiñ zahrā 
esī kahānī bikaT hai ishq kāfir kī jo dekhe 
to roveñ nuh falak aur chashm ho jaañ un kī nau nahrā 
ravāñ nahiñ tab.a jis kī sher-e-tar kī tarz paane meñ 
nahīñ hotā hai us kuuñ 'ābrū' ke harf siiñ bahrā 

888888888888888