حمد				
تاثیرِ حرف و نغمہ سرائی اُسی نے دی
مجھ کو یہ شخصیت مرے بھائی اُسی نے دی
سورج میں روشنی و حرارت اُسی کا اذن
ٹھنڈک جو چاندنی میں سمائی اُسی نے دی
ہر ایک کو نصیب کہاں نفسِ مطمئن
جنت زمیں پہ جو نظر آئی اُسی نے دی
رکھتا ہے جو زمیں پہ توازن پہاڑ سے
سر سبز کھیتیوں کو ترائی اُسی نے دی
دے  وہ خزاں رسیدہ سی شاخوں کو پیرہن
پھولوں  میں جتنی خوشبو سمائی اُسی نے دی
اشعار میں یہ لفظ ستارہ مثال سے
کاغذ پہ کہکشاں جو سجائی اُسی نے دی
سب نام اُس کے ہاشمی سب کچھ اُسی کا ہے
اک سانس بعد سانس جو آئی اُسی نے دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔