* عجب کچھ درد سے رشتہ رہا ہے *
عجب کچھ درد سے رشتہ رہا ہے
سدا دل غم سے وابستہ رہا ہے
کسی سے دور رہ کر دل سے دل کو
رہا ہے تنگ پر رستہ رہا ہے
زمانے کی ادا ہے تلخ لیکن
لب و لہجہ مرا شُستہ رہا ہے
ہمیشہ ہی نگاہوں میں ہماری
کہیں جس عہد کو رفتہ رہا ہے
جہاں ہے تیز رفتاری پہ سچ ہے
قدم اپنا بھی آہستہ رہا ہے
کوئی حرکت نہ بے چینی نہ اُلجھن
کہ طاری جیسے اک سکتہ رہا ہے
پہنچنا ہے جنوں کی حد پہ لیکن
یہ جذبہ خاک آغشتہ رہا ہے
رہِ اُلفت ہے گر پُر خار عارفؔ
ہمارا عزم بھی پُختہ رہا ہے
***************** |