|
* Yaha log to pal ka sath nahi bhoolte,tumne sab kuch bhula dala hei *
Yaha log to pal ka sath nahi bhoolte,tumne sab kuch bhula dala hei
Apnon se ziada tumhe jo chahta tha, ussi ka sath ganwa dala hei
Jo tumhare dil mein hi raha, aur jiske dil mein tum tab se thi
Jisne pyar kya to sirf tumse kya, uski zindagi mein jab se thi
Koi wajah bhi to hoti, ye kya kiya ke tab hath hi chod diya
Jab uss shahs ne tumhare liye,apni zindagi ka rukh mod diya
Bhala ye sab kuch hone ke baad, dil ko kaise samjha tum paati ho
Itna pyar bhara naata tod kar, kya dil se muskura tum paati ho
Ke tumne jo bhi kya acha kya, ke ussi shahs ka dil tod dala hei
Jisne zindagi ke andhere kunwe se,tumhe hath tham kar nikala hei
Jiski ankhon se tumne, apne ansoon nikalte dekhe hein
Apne hi sapne uski ankhon mein, tumne palte dekhe hein
Jisko tumne apni zindagi ka har raaz bata dala tha
Apna hath uske hathon mein, bilajijak thama dala tha
Chalo kya hua jo tum bewafa nikli, ab dekh liya rang zamane ka
Shaid yehi sila milna tha, sab chod ke tumhe apna banane ka
Mujhe kya thi khabar iss baat ki, ke kisi aur ki yun ho jaogi
Ke apne humdum ka naam mera nahi, kisi aur ka tum yun bataogi
Jiske har ik khat mein, pyar kuch aise andaaz se chalakta tha
Kabhi bhi hatam hone wala nahi ye, humko aisa hi lagta tha
Mujhe na gham hei, na shikayat hei, na koi hei ab dil mein baat
Beech raste mein himat chod de jo, Wo kya dega kisi ka saath
Jo bhi tumne kya hei sath mere, tumhara dil ye tumko bata dega
Bad.dua de kar kya paonga mein, iss ka jawab tumhe mera khuda dega
|
|