kiskii aavaaz kaan meN aaii
duur kii baat dhyaan meN aayii
aap aate rahe bulaate rahe
aane vaalii ek aan meN aayii
yah kinaara chalaa ki naav chalii
kahiye kyaa baat dhyaan meN aayii!
ilm kyaa ilm kii haqiiqat kyaa
jaisii jiske gumaan meN aayii
aankh niiche huii are yah kyaa
yuuN Garaz darmyaan meN aayii
maiN payambar nahiiN yagaanaa sahii
is se kyaa kasr shaan meN aayii
Yaas Yagaana Changezi