* دیکھا ہے سنگ میں کبھی کفِ پا حضورؐ *
نعت پاک
دیکھا ہے سنگ میں کبھی کفِ پا حضورؐ کا
یہ معجزہ ہے خوب خلاصہ حضورؐ کا
خوشنودی الٰہ اگر چاہتے ہو تم
اپنائو زندگی میں طریقہ حضور کا
یہ آرزو ہے میری خدا وند دو جہاں
آنکھوںک ے سامنے ہو سراپا حضور کا
جن و بشر ملائکہ ہیں معترف کہ ہے
قرآں کا حرف حرف قصیدہ حضور کا
دیکھا ہے میں نے اپنی نگاہوں سے بار بار
جنت سے کم نہیں ہے مدینہ حضور کا
کیوں کر نہ ہوبتائو وہ جنت کا مستحق
دیکھا ہے جس نے پیار سے چہرہ حضور کا
یہ شمس ، یہ قمر ، یہ ستارے، یہ کہکشاں
روشن ہے سب میں جلوۂ یکتا حضور کا
یہ مشک یہ گلاب یہ خوشبوئیں بے شمار
افضل ہے سب سے یاس پسینہ حضور کا
٭٭٭٭
|