* کیا رات کی کتاب ہیں چہرے نئے نئے *
غزل
کیا رات کی کتاب ہیں چہرے نئے نئے
کھلتے ہیں روشنار دریچے نئے نئے
کیا ہے کہ ان کے نام پہ آتی ہے شام بھی
پلکوں میں ٹانکتی ہے ستارے نئے نئے
خوش بوسے میری سانس نے کی ہے مراسلت
لکھے ہیں میں نے عشق کے قصے نئے نئے
دریائے خشک حال سے پوچھا نہیں گیا
کس نے بنا دیئے ہیں جزیرے نئے نئے
موسم نیا لباس بدلنے کو آئے ہیں
اگنے لگے درخت میں پتے نئے نئے
اٹھئے شکیب ایاز کہ اب بھور ہوگئی
پڑھنے لگے پرندو ظیفے نئے نئے
٭٭٭
|