غزل

ذرا بتا تو صبا تو کہاں سے آئی ہے
ترے دیار میں خوش بو کہاں سے آئی
ابھی تو صیغۂ تصویر میں ہے رنگ خیال
یہ روشنی سی سرمو کہاں سے آئی ہے
غبار ٹھہرا ہوا ہے ہوا کے دامن میں
ہماری سانس میں پھر تو کہاں سے آئی ہے
ابھی تو چھینٹ پڑی ہے فضا میں بادل کی
دیار جاں میں نئی لو کہاں سے آئی ہے
یہاں لہو میں تو اک رشتۂ قرابت ہے
حصار نور کی شب تو کہاں سے آئی ہے
ابھی تو دیر ہے برسات کو شکیب ایاز
مرے نفس میں یہ خوشبو کہاں سے آئی ہے
٭٭٭