* بستی میں فلک بوس مکاں لائے گئے ہیں *
بستی میں فلک بوس مکاں لائے گئے ہیں
پستی میں بلندی کے نشاں لائے گئے ہیں
پھر ایک نئے شہر کی بنیاد پڑے گی
نقشے میں غریبوں کے مکاں لائے گئے ہیں
اب دیکھئے کیا فیصلہ دیتی ہے عدالت
کچھ جھوٹے گواہوں کے بیاں لائے گئے ہیں
پھر اُن سے گڑھی جائے گی کچھ اور کہانی
افسانۂ ناقوس و اذاں لائے گئے ہیں
قیمت تو بہرحال رکھی جائے گی اُونچی
بکنے کے لئے اہلِ زباں لائے گئے ہیں
*************** |