* روز بنام ہادیٔ اعظم *
روز بنام ہادیٔ اعظم
صلی اللہ علیہ وسلم
پیش کرے وہ نذرِ عقیدت
اے سکھی ساجن؟ نا سکھی امّت
ء
نسبت اُس کو اپنے رب سے
سر وہ جھکائے عجز و ادب سے
طرزِ عمل ہے اُس کا شاہد
اے سکھی ساجن؟ نا سکھی عابد
ء
وہ تو حسن کا ہے دیوانہ
شہرِ دل ہے اُس کا ٹھکانہ
نا وہ ساکن روم و دمشق
اے سکھی ساجن؟ نا سکھی عشق
ء
کرتا ہے انصاف وہ سب سے
پیش آتے ہیں لوگ ادب سے
چشمِ عدل کرے نہ وہ کج
اے سکھی ساجن؟ نا سکھی جج
*** |