جیت کے جنگ وہ جب آتا ہے
اپنا جھنڈا لہراتا ہے
بن جاتا ہے عالی جاہ
اے سکھی ساجن؟ نا سکھی شاہ
ء
اُس کو ہر بازار میں پایا
الجھا کاروبار میں پایا
ہر منڈی میں تھا وہ حاضر
اے سکھی ساجن؟ نا سکھی تاجر
ء
ڈھونڈے فن کے عیب و محاسن
فنکاروں کے ظاہر و باطن
ہیں اُس کی تحریریں شاہد
اے سکھی ساجن؟ نا سکھی ناقد
ء
چھائوں میں دیکھا ، دھوپ میں دیکھا
محنت کے ہر روپ میں دیکھا
پایا کبھی نا اُس کو بے حِس
اے سکھی ساجن؟ نا سکھی مفلس
***