میرے جینے کا ہے سہارا
کیوں نہ لگے وہ سب سے پیارا
ہر دم رکھوں اُس کا دھیان
اے سکھی ساجن؟ نا سکھی جان
ء
طرح طرح کی بات سنائے
کبھی ہنسائے کبھی رلائے
ہے دلچسپ اُس کا ہر حصہ
اسے سکھی ساجن؟ نا سکھی قصہ
ء
دھوپ میں ثابت اُس کے پائوں
سب کو بانٹے ٹھنڈی چھائوں
لمبا چوڑا ہے اُس کا قد
اے سکھی ساجن؟ نا سکھی برگد
ء
نیند سے مجھ کو دور وہ کردے
جاگنے پر مجبور وہ کردے
اُس پہ چلے نا میرا زور
اے سکھی ساجن؟ نا سکھی بھور
***