چھائی جب بھرپور جوانی
شرم سے میں ہوئی پانی پانی
کیسے ڈالوں نظریں اُس پر
اے سکھی ساجن؟ نا سکھی دلبر
ء
جب وہ دبوچے مجھ کو رلادے
میری چین کی نیند اڑادے 
کردے آنکھوں کو پُرنم
اے سکھی ساجن؟ نا سکھی غم
ء
اپنے ساتھ جو اُس کو پایا
اُس نے بدل دی میری کایا
ناز کروں میں اُس کی بدولت
اے سکھی ساجن؟ نا سکھی شہرت
ء
جب وہ روٹھے تو جگ روٹھے
مجھ پر ساری آفت ٹوٹے
کردے میری ایسی دُرگت
اے سکھی ساجن؟ نا سکھی قدرت
***