میں اُس کی بانہوں میں جھولوں
جی چاہے آکاش کو چھولوں
پاکے اُسے من سب کچھ بھولا
اے سکھی ساجن؟ نا سکھی جھولا
ء
اُس نے کیا گھر میرے دل میں
پڑگئی میری جاں مشکل میں
کانپے میرا من تھر تھر
اے سکھی ساجن؟ نا سکھی ڈر
ء
اُس نے مجھ کو جب آ گھیرا
حال نہ پوچھو اُس دم میرا
میرا چہرہ لگے اداس
اے سکھی ساجن؟ نا سکھی یاس
ء
ذہن و دل میں شعلہ بھردے
میری عجب کیفیت کردے 
چھین لے میرا ذہنی عیش
اے سکھی ساجن؟ نا سکھی طیش
***