* نرم ملائم انگ ہے اُس کا *
نرم ملائم انگ ہے اُس کا
ہلکا پھلکا رنگ ہے اُس کا
میرے تن سے سر کے ہردم
اے سکھی ساجن؟ نا سکھی ریشم
ء
بڑھ جائے جب دیوانہ پن
چاک وہ کرلے عقل کا دامن
ہوش و خرد سے توڑے ربط
اے سکھی ساجن؟ نا سکھی خبط
ء
میرے بدن پر چھڑکے پانی
کھِل کھِل اٹھے رنگِ جوانی
گورے بدن سے چپکے انگرکھا
اے سکھی ساجن؟ نا سکھی برکھا
ء
اُوپر کمرے میں لے جائے
باری باری پائوں اٹھوائے
دکھ جائے مری نازک ٹنگری
اے سکھی ساجن؟ نا سکھی سیڑھی
*** |