دیکھا اُس کو بیاہ سے پہلے
پیار کی رسم و راہ سے پہلے
اُس نے جگائی پریت کی اگنی
اے سکھی ساجن؟ نا سکھی منگنی
ء
آگ لگے جو کسی کے گھر میں
شعلہ بھڑکے اُس کے جگر میں
فوراً دوڑے وہ لے کر جل
اے سکھی ساجن؟ نا سکھی دمکل
ء
اک دن رہ کر چھوڑ گیا وہ
آج سے ناتہ توڑ گیا وہ 
پھر نہ وہ آیا کبھی اک پل
اے سکھی ساجن؟ نا سکھی کل
ء
پہلے پہل امید سے تھی میں
اُس سے پریشان اور ہوئی میں
کردی اس نے حالت پتلی
اے سکھی ساجن؟ نا سکھی متلی
***