مجھ کو بٹھا کر وہ لے جائے
میرے سفر کی شان بڑھائے
ہوتی ہے اُس سے راحت حاصل
اے سکھی ساجن؟ نا سکھی محمل
ء
اُس کے سنگ چلوں میں چھم چھم
چال سے میری پھوٹے سرگم
پائوں مرے وہ چومے ہر پل
اسے سکھی ساجن؟ نا سکھی پایل
ء
پاس رہے وہ جب تک میرے
مجھ کو کوئی غم نہ گھیرے
جب وہ بچھڑے تو ہو دکھ
اے سکھی ساجن؟ نا سکھی سکھ
ء
پگ پگ اُس کی چاہ پھرائے
چلتے چلتے قدم تھک جائے
گھر بیٹھے اُسے پانا مشکل
اے سکھی ساجن؟ نا سکھی منزل
***