* اُس کا کھیل نرالا سب سے *
اُس کا کھیل نرالا سب سے
بھائے مجھ کو وہ ہر ڈھب سے
اُس کی ادا پر جائوں مرمٹ
اے سکھی ساجن؟ نا سکھی کرکٹ
ء
اُس کے اندر چھکّا پنجہ
مارے وہ نہلے پر دہلا
جو دیکھے بولے شاباش
اے سکھی ساجن؟ نا سکھی تاش
ء
دیکھ کے اُس کو دشمن بھاگے
کون کھڑا ہو اُس کے آگے
تیل پلائی اُس کی کاٹھی
اے سکھی ساجن؟ نا سکھی لاٹھی
ء
اُس کا بھرم جب کھل جاتا ہے
رنگ و روغن دُھل جاتا ہے
پڑ جاتا ہے اُس میں جھول
اے سکھی ساجن؟ نا سکھی پول
*** |