چھوٹی چمپاؔ اور چنبیلیؔ
میری پیاری سکھی سہیلی
چھین لی اُس نے سب آزادی
اے سکھی ساجن؟ نا سکھی شادی
ء
اُس کی پہنچ ہے ہر محفل تک
مجھ کو لے جائے منزل تک
چلتے چلتے حال ہو خستہ
اے سکھی ساجن؟ نا سکھی رستہ
ء
مل جل کے وہ سب کو بٹھائے
شام کی بیٹھک رنگ جمائے
گھر کی رونق اُس کے کارن
اے سکھی ساجن؟ نا سکھی آنگن
ء
مانگ کرے وہ مجھ سے ہر دن 
چین نہ آئے اُس کو بھرے بن
نا وہ بھرے تو اٹھے ہوک
اے سکھی ساجن؟ نا سکھی بھوک
***