جتنا پائے نا وہ کرے نا
کھاکے اُس کا پیٹ بھرے نا
اُس کے لئے کیا جھوٹ اور سچ
اے سکھی ساجن؟ نا سکھی لالچ
ء
دور دیس مجھ کو لے جائے
نگر نگر کی سیر کرائے
کٹھن سفر ہے اُس کا کھیل
اے سکھی ساجن؟ نا سکھی ریل
ء
اُس کی سریلی تان کو سن کر
مستی سی چھا جائے مجھ پر
جب نہ سنوں تو ہو الجھن سی
اے سکھی ساجن؟ نا سکھی بنسی
ء
اُس کی ادا ہے مجھ کو پسند
کرلوں اُسے مٹھی میں بند
جل بجھ کرنا ہے اُس کی خو
اے سکھی ساجن؟ نا سکھی جگنو
***